ՄԻ փոքր էլ օրվա պլանավորման մասին

   
   

Օրս պլանավորել և ամեն գործս գրի առնել սկսել եմ մի քանի տարի առաջ։ Ամենինչ սկսվեց նոթատետրեր գնելու սովորությունից։ Գրքերի և նոթատետրերի կողքով անտարբեր չեմ կարողանում անցնել։ Բայց դե, եթե գրքերը կարդում ես,ապա նոթատետրերը ուղղակի տեղ են զբաղեցնում։ Մի օր մտքովս անցավ  մեկ օր շուտ սկսել պլանավորել հաջորդ օրս։ Զառմանալի է, բայց մեկ նոթատետրը մաքսիմում բավականացնում է մի ամիս։ ՊԼանավորում և գրի եմ առնում ամեն վայրկյանս։ Չեմ ասի , որ հասցնում եմ պլանով շարժվել, բայց գործս լավ թեթևանում է։ Իսկ օրվա
վերջում էնքան հաճելի է նստել և հատիկ֊հատիկ ջնջել այն կետերը,որւնք հասցրել եմ։ Այս տրամաբանությամբ պլանավորում եմ նաև ամիսը, բայց,իհարկե, ոչ այսքան մանրակրկիտ։ Նաև գրի եմ առնում մտքովս անցած հետաքրքիր գաղափարները ու,նույնիսկ, հիմար մտքերը։ Կարող է ապագայում պիտանի դառնան։ Պլանս ունի մոտավոր այս տեսքը․

1.Արթնանալ ժամը  07:30 ֊ին,
2.Ջուր խմել երկու բաժակ,
3.Մարզանք,
4.Հաց պատրաստել,
5.Պարապել օտար լեզու  ժամ,
6.Թեմատիկ շաբաթվա շրջանակում զբաղվել երեխաների հետ,
7.Երեխաներին քնացնել/ առաջադրանք տալ,
8.Հավաքել թափրտած իրերը,
 ․․․․․․

 Բնականաբար, յուրաքանչյուրի մոտ տարբեր պլաններ կլինեն, բայց էականը գաղափարն է։Իսկ կան մարդիկ,ովքեր ավելի հեռուն են գնացել և օրվա պլանավորումը վերածել են արվեստի։Հա ,ու կարևորը գեղեցիկ նոթատետրերի առկայությունն է ձեռքի տակ։Շատ ուժեղ մոտիվացիա է։